ഹിശാമുബ്‌നു അബ്ദില്‍ മലിക് തന്റെ സഹോദരപുത്രന്‍ വലീദുബ്‌നു യസീദിനെയാണ് പിന്‍ഗാമിയാക്കിയത്. ക്രി.വ. 743ല്‍ ഭരണമേറിയ വലീദ് ഒരു വര്‍ഷം മാത്രമാണ് ആ പദവിയിലിരുന്നത്. 744ല്‍ തന്നെ വധിക്കപ്പെടുകയും ചെയ്തു.

കവിയും അഭ്യാസിയുമായിരുന്ന ഇദ്ദേഹം പക്ഷേ സംഗീതം, നൃത്തം, നായാട്ട് തുടങ്ങിയ വൃത്തികളില്‍ സദാ വ്യാപൃതനായി. ഹിശാം ഉപദേശിക്കുകയും ഹജ്ജിന് പറഞ്ഞുവിടുകയും ചെയ്‌തെങ്കിലും നന്നായില്ല.

ഖിലാഫത്ത് ഏറ്റെടുത്തിട്ടും സ്വഭാവം നേരെയാക്കുകയോ വഹിക്കുന്ന പദവിയുടെ മാഹാത്മ്യം തിരിച്ചറിയുകയോ ചെയ്തില്ല. ഇതോടെ ബന്ധുക്കള്‍ തന്നെ ഖിലാഫത്ത് പദവിയില്‍ നിന്ന് മാറ്റുകയായിരുന്നു. വൈകാതെ വധിക്കപ്പെടുകയും ചെയ്തു.

വലീദ് രണ്ടാമന്‍ എന്ന പേരില്‍ അറിയപ്പെടുന്നു. 36-ാം വയസ്സിലാണ് അന്ത്യം.