നിഷിദ്ധമായത്, പവിത്രമായത് എന്നൊക്കെയാണ് ഹറാം എന്നതിന്റെ ഭാഷാര്‍ഥം. 

സ്രഷ്ടാവ് സൃഷ്ടികള്‍ക്കു മേല്‍ ഖണ്ഡിതമായി നിരോധിച്ച കാര്യങ്ങള്‍ക്കാണ് കര്‍മ ശാസ്ത്രത്തില്‍ ഹറാം എന്നു പറയുന്നത്. നിരോധം ലംഘിച്ച് അത് പ്രവര്‍ത്തിക്കുന്നതിലൂടെ ഒരാള്‍ പരലോകത്ത് ശിക്ഷാര്‍ഹനായിത്തീരുന്നു. ദൈവപ്രീതികാംഷിച്ച് വിരോധിച്ചത് വെടിഞ്ഞവന്‍ പ്രതിഫലത്തിനും അര്‍ഹനാകുന്നു. ഹറാം, മുഹര്‍റം, മഹ്‌ളൂര്‍ എന്ന പദങ്ങളൊക്കെ നിഷിദ്ധം എന്ന അര്‍ഥത്തെ സൂചിപ്പിക്കുന്നു. മദ്യപാനം, വ്യഭിചാരം എന്നിവയെല്ലാം ഇസ്‌ലാം നിഷിദ്ധമാക്കിയ കാര്യങ്ങള്‍ക്കുള്ള ഉദാഹരണമാണ്.

ആദരണീയം, പവിത്രം എന്നീ ആശയത്തിലും ഹറാം (ഹറം) എന്ന പദം പ്രയോഗിക്കുന്നു.  അല്‍ മസ്ജിദുല്‍ ഹറാം എന്നാല്‍ ആദരണീയമായ പള്ളി എന്നാണ്. മുസ്‌ലിംകളുടെ ഏറ്റവും പുണ്യമാര്‍ന്ന കേന്ദ്രം അല്‍ മസ്ജിദുല്‍ ഹറാം (മക്ക) ആണ്.