പിതാമഹിക്കും മാതാമഹിക്കും നിശ്ചിത ഓഹരിക്കാര്‍ എന്ന നിലയില്‍ അനന്തരാവകാശം ലഭിക്കുന്നു.
•    മാതാമഹിക്ക് മാതാവില്ലെങ്കില്‍ അനന്തരാവകാശം ലഭിക്കുന്നതാണ്. 
•    എന്നാല്‍ പിതാമഹിക്ക് മാതാവിനു പുറമെ പിതാവും ഇല്ലെങ്കില്‍ മാത്രമേ അനന്തരാവകാശം ലഭിക്കുകയുള്ളു എന്നാണു ശാഫി, ഹനഫി, മാലികി മദ്ഹബുകളുടെ അഭിപ്രായം. എന്നാല്‍ പിതാവുണ്ടെങ്കിലും മാതാവ് ഇല്ലെങ്കില്‍ അനന്തരാവകാശം ലഭിക്കുമെന്നാണു ഹംബലി മദ്ഹബിന്റെ വീക്ഷണം.
 

നേര്‍ സഹോദരന്‍

നേര്‍ സഹോദരന് ശിഷ്ട ഓഹരിക്കാര്‍ എന്ന നിലയില്‍ അനന്തരാവകാശം ലഭിക്കുന്നു. 
മരിച്ചയാള്‍ക്ക് താഴെ പറയുന്നവരില്‍ ആരും ഇല്ലെങ്കില്‍ മാത്രം നേര്‍ സഹോദരന് അനന്തരാവകാശം ലഭിക്കുന്നു. 
1. പുത്രന്‍ 
    2. പൗത്രന്‍, പൗത്രന്റെ പുത്രന്‍ 
    3. പിതാവ് 
•    മരിച്ചയാളുടെ സഹോദരീ സഹോദരന്‍മാരെ പിതാമഹന്‍ അനന്തരമെടുക്കുന്നതില്‍ നിന്ന് തടയുകയില്ല എന്നാണു ഇമാം അബൂ ഹനീഫയുടേത് ഒഴികെയുള്ള മുഴുവന്‍ പണ്ഡിതന്‍മാരുടെയും അഭിപ്രായം. 
•    അനന്തരാവകാശം ലഭിക്കാന്‍ അര്‍ഹതയുണ്ടെങ്കിലും നിശ്ചിത ഓഹരിക്കാരുടെ ഓഹരികള്‍ കഴിച്ച് ബാക്കിയുണ്ടെങ്കിലേ ശിഷ്ട ഓഹരിക്കാരായ  ഇവര്‍ക്ക് അനന്തരാവകാശം ലഭിക്കുകയുള്ളു . ഉദാ: മരിച്ചയാള്‍ക്ക് 2 പുത്രിമാര്‍, ഭര്‍ത്താവ്, മാതാവ് എന്നിവരാണ് അവകാശികളായിട്ടുള്ളത് എങ്കില്‍ ഇവരുടെ നിശ്ചിത ഓഹരികള്‍ കഴിച്ചു ബാക്കിയുണ്ടാവുകയില്ല എന്നതിനാല്‍ സഹോദരന് അവകാശം ലഭിക്കുകയില്ല. 
 

നേര്‍ സഹോദരി

നേര്‍ സഹോദരിക്ക് നിശ്ചിത ഓഹരിക്കാരി എന്ന നിലയിലോ അല്ലെങ്കില്‍ ശിഷ്ട ഓഹരിക്കാരി എന്ന നിലയിലോ അനന്തരാവകാശം ലഭിക്കുന്നു.
 
മരിച്ചയാള്‍ക്ക് താഴെ പറയുന്നവരില്‍ ആരും ഇല്ലെങ്കില്‍ മാത്രം നേര്‍ സഹോദരിക്ക് അനന്തരാവകാശം ലഭിക്കുന്നു.

•    പുത്രന്‍ 
•    പൗത്രന്‍, പൗത്രന്റെ പുത്രന്‍ 
•    പിതാവ്
    
•    ·മരിച്ചയാളുടെ സഹോദരീ സഹോദരന്‍മാര്‍ അനന്തരമെടുക്കുന്നതില്‍ നിന്ന് പിതാമഹന്‍ തടയുകയില്ല എന്നാണു ഇമാം അബൂ ഹനീഫയുടേത് ഒഴികെയുള്ള മുഴുവന്‍ പണ്ഡിതന്‍മാരുടെയും അഭിപ്രായം.

•    ·അനന്തരാവകാശം ലഭിക്കാന്‍ അര്‍ഹതയുണ്ടെങ്കിലും നിശ്ചിത ഓഹരിക്കാരുടെ ഓഹരികള്‍ കഴിച്ച് ബാക്കിയുണ്ടെങ്കിലേ ശിഷ്ട ഓഹരിക്കാരായ  ഇവര്‍ക്ക് അനന്തരാവകാശം ലഭിക്കുകയുള്ളു.